გარკვეული ხნით რეალური და ვირტუალური საჯარო სივრციდან დისტანცირება მიწევს, – ამის შესახებ „ლელოს“ წევრი დავით უსუფაშვილი სოციალურ ქსელში წერს.
როგორც უსუფაშვილი აღნიშნავს, დაზიანებული ჯანმრთელობის რეაბილიტაცია გადაუდებელი გახდა.
„ბევრმა იცით, რომ ბოლო თვეებში სრული დატვირთვით მუშაობას ვეღარ ვახერხებდი. ვერც მძიმე პოლიტიკური კრიზისის თავიდან აცილებაში ვიაქტიურე სათანადოდ და ამით ბევრს იმედი გაგიცრუეთ.
ეს, და კიდევ 30 წლის განმავლობაში ქართული სახელმწიფოს ფეხზე ვერ დაყენებაში ჩემი წილი პასუხისმგებლობის განცდაა ის მთავარი სტიმულატორი, რომელიც მწყობრში მალე დაბრუნებას და საქმეში ბოლომდე დახარჯვას შემაძლებინებს.
“ჩვენი მოწყენილი კარგი ქვეყნის” მალე გახარებას გისურვებთ,“ – წერს დავით უსუფაშვილი.
