მექსიკაში საჰაერო ძალების კუთვნილი თვითმფრინავი ჩამოვარდა, რის შედეგადაც 6 სამხედრო პირი დაიღუპა. ამის შესახებ უცხოური მედია წერს.
გამოცემის ცნობით, ინციდენტი ქვეყნის სამხრეთ-აღმოსავლეთ ნაწილში მდებარე ვერაკრუსის შტატში მოხდა.
მექსიკის თავდაცვის სამინისტროში აცხადებენ, რომ თვითმფრინავი აეროპორტიდან ადგილობრივი დროით 09:45 საათზე აფრინდა. გარდაცვლილთა ვინაობა ჯერჯერობით დაუდგენელია, სამხედროები ამ დრომდე სამძებრო სამუშაოებში არიან ჩართულები.
ამასთან, უცნობია ზუსტად რამდენი ადამიანი იმყოფებოდა ბორტზე.
