პარლამენტში 2020 წლის არჩევნების შემსწავლელი საგამოძიებო კომისია ოთხი დეპუტატის შემადგენლობით ჩამოყალიბდება. კომისიაში ორი წევრი ოპოზიციის წარმომადგენელი იქნება, ორი – უმრავლესობის დეპუტატი.
საკითხის განხილვისას, „ქართული ოცნების“ წევრებმა იმედი გამოთქვეს, რომ ოპოზიცია საგამოძიებო კომისიას შეუერთდება და შესაბამისად, კომისიის 4-კაციანი შემადგენლობა გაიზრდება.
როგორც ცნობილია, ოპოზიციის სტატუსით კომისიის შემადგენლობაში დეპუტატები ფრიდონ ინჯია და დავით ზილფიმიანი იქნებიან.
