ფრანგული ფარმაცევტული კომპანია – Sanofi-მ ვაქცინის მწარმოებელ BioNTech-თან ხელშეკრულება გააფორმა. შეთანხმების მიხედვით, ფრანგული ფარმაცევტული კომპანია BioNTech-ს ევროკავშირისთვის 125 მილიონზე მეტი კორონავირუსის ვაქცინის წარმოებაში დაეხმარება. ინფორმაციას CNN ავრცელებს.
„ჩვენ გადაწყვეტილება მივიღეთ, რომ მხარი დავუჭიროთ BioNTech-სა და Pfizer-ს COVID-19-ის ვაქცინის შექმნაში“ – განაცხადა Sanofi-ის მთავარმა აღმასრულებელმა ხელმძღვანელმა.
წყაროს მიხედვით, შრატების დამზადება მიმდინარე წლის ზაფხულისთვის დაიწყება.
უნდა აღინიშნოს ისიც, რომ ფრანგული კომპანია ორი სხვა ვაქცინის – ბრიტანულისა და ამერიკულის განვითარებაზეც მუშაობს.
