„გირჩის“ ერთ-ერთი ლიდერი, იაგო ხვიჩია ამბობს, რომ „ქართული ოცნება“ „სამართლიან არჩევნებთან“ მართალია.
როგორც ხვიჩია ამბობს, მას „ენჯეობის გაკეთებული საქმის“ არ სჯერა.
„ზოგადად, არ მჯერა ენჯეოების გაკეთებული საქმის ან ნაკლებად მჯერა. შესაბამისად, „ქართული ოცნება“, ჩემი აზრით, „სამართლიან არჩევნებთან“ მართალია. მეტიც, მათ გადააყენეს საკუთარი თავმჯდომარე, მაგრამ ეს არ არის საკმარისი იმ უხერხულობის აღმოსაფხვრელად, რომელიც რეალურად მათმა ქმედებამ გამოიწვია.
ერთადერთი, რაც მათ ამართლებს არის ის, რომ ჩვენ ზოგადად, ზედმეტ ყურადღებას ვაქცევთ არასამთავრობო ორგანიზაციების მიერ გაკეთებულ რაღაც კვლევებს თუ ანგარიშებს. მგონი, მაგას მაგდენი ყურადღება არ უნდა მივაქციოთ და რომ არ მიგვექცია, ნაკლებად დაიძაბებოდა სიტუაცია“, – განაცხადა ხვიჩიამ.
მისივე თქმით, იგი საგამოძიებო კომისიის შექმნის წინააღმდეგი არ არის.
